28 ноябрь куни қишлоқ хўжалиги вазири ўринбосари Қаҳрамон Йўлдошев Ҳиндистоннинг Махараштра штати маркетинг ва тўқимачилик бўйича губернатор ўринбосари Аноп Кумар билан учрашув ўтказди.
Учрашувда қишлоқ хўжалиги соҳасида ҳамкорликни ривожлантириш, икки давлат ўртасида савдо айланмасини ошириш масалалари, ўзаро истиқболли инвестиция лойиҳалари бўйича таклифлар муҳокама қилинди.
Мулоқот якунига кўра, Ўзбекистондан гилос, узум каби мева маҳсулотлари экспорт ҳажмини ошириш ҳамда Мумбай шаҳрида жойлашган пахтани қайта ишловчи йирик кластерларни мамлакат бозорига таклиф қилишга келишиб олинди.
