Shvetsiya Ukrainaga ikki tomonlama munosabatlar tarixidagi eng yirik mudofaa va moliyaviy yordam paketini beradi. Bu haqda Kiyevga tashrifi chogʻida boʻlib oʻtgan matbuot anjumanida Shvetsiya tashqi ishlar vaziri Tobias Bilstryom maʼlum qildi.
“Biz munosabatlarimiz tarixidagi eng katta yordam paketini olib keldik – havo hujumidan mudofaa tizimlari, oʻq-dorilar, transport vositalari, turli xil qishki jihozlar va kiyim-kechak, zirh hamda 270 million yevro”, – dedi Billstrom.
Uning qoʻshimcha qilishicha, moliyaviy yordam, albatta, Ukrainaga xalqaro bozorda zarur boʻlgan koʻproq narsani topish imkonini beradi.
Eslatib oʻtamiz, noyabr oyi oʻrtalarida Shvetsiya Ukrainaga qishki 60 million dollarlik yordam paketini eʼlon qilgan edi.
