Kaliforniya sudi Theranos biotexnologik startap asoschisi Elizabet Xolmsni 135 oydan koʻproqqa muddatga qamoq jazosiga hukm qildi. Bu haqda The New York Times xabar berdi.
Bundan tashqari, Xolms investorlarga 121 million dollar miqdoridagi zararni qoplashi kerak. Startap asoschisi 2023 yil 27 aprelda jazoni oʻtash uchun qamoqda boʻlishi kerak. Xolmsning advokatlari qaror boʻyicha apellatsiya berishini maʼlum qilgan.
2022 yilning boshida Xolms 11 ta fitna va firibgarlik boʻyicha ayblov punktlarining toʻrttasida aybdor deb topilgan va yana toʻrtta modda boʻyicha oqlangan. Prokurorlar Xolmsni 15 yilga qamoq jazosini tayinlash va 800 million dollar undirishni talab qilgan edi.
Xolms startapni 2003 yilda 19 yoshligida boshlagan. Theranos gʻoyasi bir tomchi qon bilan tez va ogʻriqsiz testlarni oʻtkazish imkonini beruvchi Edison qurilmasini yaratish boʻlgan. Oʻzining eng yuqori choʻqqisida Theranos 9 milliard dollarga baholangan va 2015 yilda Time jurnali Xolmsni dunyodagi eng nufuzli 100 kishi roʻyxatiga kiritgan.
