Iqlim oʻzgarishining salbiy oqibatlariga muvaffaqiyatli qarshi turish uchun jahon hamjamiyatiga 1 trillion dollar kerak boʻladi. Bu haqda BMTning 2030 yilgacha barqaror rivojlanish kun tartibini moliyalashtirish boʻyicha maxsus vakili Muhammad Muhiddinga tayanib “TASS” xabar berdi.
“Iqlim oʻzgarishi oqibatlarini yengish uchun dunyoga 1 trillion dollar kerak” — dedi u.
Uning qoʻshimcha qilishicha, “bu maqsadlar uchun ilgari taklif qilingan 100 milliard dollar, birinchi navbatda, rivojlanayotgan mamlakatlar ehtiyojlarining atigi 10 foizini tashkil etadi.
«2009 yilda Kopengagenda boʻlib oʻtgan BMTning iqlim oʻzgarishi boʻyicha konferensiyasida rivojlanayotgan mamlakatlar uchun jami 100 milliard dollarlik moliyalashtirish boʻyicha berilgan vaʼdalar hozirgacha faqat bir nechta davlat tomonidan bajarilgan”, deb taʼkidladi Muhiddin.
Shuningdek, Muhiddin soʻzlariga koʻra, iqlim oʻzgarishiga qarshi kurashishda taʼlim kurslari zarurligini taʼkidladi. Bunga sabab yer yuzi aholisining yarmidan koʻpi iqlim oʻzgarishi xavfini umuman sezmaydi.
