Илон Маск Тwitter компаниясининг барча ходимларига масофадан ишлаш бекор қилингани ҳақида хат юборди. Бу ҳақда Bloomberg хабар берди.
Хатда айтилишича, ходимлар масофавий тизимда ишлаш ҳуқуқига эга бўлмайди. Ходимлар ҳафтасига камида 40 соат вақт давомида офисда ишлашига тўғри келади. Зарурат пайдо бўлганда айрим ходимлар масофадан туриб ишлашига рухсат берилади.
Компания раҳбари ўз мактубида ходимлардан оғир кунларга тайёргарлик кўришни ва компания иқтисодиётдаги секинлашув шароитида баъзи қийинчиликларга дуч келишини таъкидлаб ўтган.
Аввалроқ Маск Тwitter’ни сотиб олиши фонида 70 млрд доллар йўқотгани ҳақида хабар берилганди.
