Oʻzbekistonda 2022 yilning 10 oy davomida 58 656 nafar fuqaroga 11,5 trln soʻmlik ipoteka kreditlari ajratildi. Bu haqda Markaziy bank xabar berdi.
Maʼlum qilinishicha, 2,9 trln soʻm miqdoridagi mablagʻ banklarning oʻz hisobidan ajratilgan. Bu koʻrsatkich 2021 yilning mos davrida 712 mlrd soʻmni tashkil etgan.
Jami ajratilgan kreditlarning 41 foizi — 4,2 mlrd soʻmi 23 800 nafar xotin-qizlarga berilgan. Qolgan 59 foizi — 7,3 mlrd soʻmi 34 856 nafar erkaklarga toʻgʻri keladi.
Shuningdek, ajratilgan kreditlarning 21 foizi — 12 329 nafari 18-30 yoshgacha boʻlganlarga berilgan.
Hududlar kesimida kredit oluvchilarning eng koʻp ulushi 11 839 nafar fuqaro bilan Toshkent shahriga toʻgʻri keladi. Bu davrda Toshkent aholisiga 3,5 trln soʻm ipoteka kreditlari ajratilgan.
Eng past koʻrsatkich Sirdaryo viloyatiga toʻgʻri kelgan. 1 501 nafar fuqaro 260 mlrd soʻm ipoteka krediti berilgan.
Bundan tashqari, ajratilgan yangi tartibdagi ipoteka kreditlarining oʻrtacha foiz stavkasi sentyabr oyiga nisbatan (17,2) pastlagan. Banklarning oʻz mablagʻlari hisobidan ajratilgan ipoteka kreditlari foiz stavkasi esa sentyabrga taqqoslaganda (23,5) koʻtarilgan.
Avvalroq 2021 yilda Oʻzbekiston aholisiga qancha ipoteka kreditlari ajratilgani haqida xabar berilgandi.
