Twitter egasi Ilon Mask ijtimoiy tarmoqqa pulli kirish funksiyasini ishga tushirishi mumkin. Bu haqda “Platformer” xabar berdi.
Qayd etilishicha, Mask ushbu tashabbus maslahatchisi Devid Saks bilan muhokama qilgan. Bu orqali u ijtimoiy tarmoqda oʻtkaziladigan soatlar soniga cheklov qoʻyish imkoniyatini koʻrib chiqqan. Cheksiz foydalanish istagan pullik rejimga oʻtishlari mumkin. Buning uchun foydalanuvchi qanchadir miqdorda pul toʻlashiga toʻgʻri keladi.
Eslatib oʻtamiz, Mask Twitterʻni sotib olish boʻyicha kelishuvni 27 oktyabr kuni yakunladi. Bitim summasi 44 milliard dollarni tashkil etadi.
Avvalroq Mask ushbu kompaniyani sotib olishini eʼlon qilganidan keyin 70 mlrd dollarga yoʻqotgani haqida xabar berilgandi.
