Россия ҳукумати БМТ Аҳоли жамғармасига 2022 йил учун йиллик бадални АҚШ долларида эмас, рублда ўтказишга қарор қилди. Бу ҳақда «TACC» хабар берди.
Ҳукумат 2019 йилда қабул қилинган қарорга ўзгартириш киритди. Тўлов санасидаги Бирлашган Миллатлар Ташкилотининг оператив курси бўйича 1 236 321 АҚШ доллари эквивалентини ташкил этди.
Тегишли маблағ Бирлашган Миллатлар Ташкилотининг Аҳолишунослик жамғармасига «Тараққиёт сиёсатини фактик қўллаб-қувватлаш мақсадида демографик маълумотларни тўплаш, таҳлил қилиш ва улардан фойдаланиш тизимини мустаҳкамлашда МДҲ давлатларига кўмаклашиш» лойиҳасини амалга ошириш учун ўтказилади.
