Vazirlar mahkamasining “2022-2023 yillarning qish-bahor mavsumida aholi va ijtimoiy soha muassasalarining asosiy turdagi qishloq xoʻjaligi mahsulotlariga boʻlgan ehtiyojlarini qondirish boʻyicha qoʻshimcha chora-tadbirlar”gi qarori qabul qilindi.
Qaror bilan 2022-2023 yillar qish-bahor mavsumida respublika aholisini qishloq xoʻjaligi mahsulotlarining asosiy turlari bilan taʼminlashning prognoz parametrlari tasdiqlandi:
• kartochka – 773 ming tonnadan 671,1 ming tonna mavjud (taqchilligi – 101,9 ming tonna);
• piyoz – 501,1 ming tonnadan 665,1 ming tonna mavjud (taqchilligi – 164 ming tonna);
• sabzi – 288 ming tonnadan 1 355,1 tonna mavjud (taqchilligi – 1 067,1 ming tonna);
• guruch – 143,9 ming tonnadan 217,5 ming tonna mavjud (taqchilligi – 73,5 ming tonna);
Qayd etilishicha, asosiy turdagi qiishloq xoʻjaligi mahsulotlarining taqchilligi import hisobiga qoplanishi rejalashtirilgan.
Shuningdek, 2022 yil 1 noyabrga qadar:
- gʻalladan boʻshagan 828 ming gektar yer maydoniga ekilgan sabzavot, kartochka, poliz, dukkakli don ekinlaridan 11 million tonna hosilni yigʻib-terib olish;
- 2022 yil hosili uchun ekilgan 111 ming gektar yer maydonida jami 538 ming tonna sholi yetishtirish (323 ming tonna gurch ishlab chiqarish) belgilandi.
