Birja matbuot xizmatining malum kilishicha, 3-9 oktyabr kunlari Oʻzbekiston respublikasi tovar-xom ashyo birjasining barcha savdo platformalarida 2 562,2 milliard soʻmlik tovarlar sotilgan boʻlib, bu avvalgi haftaga nisbatan 14,1 foizga kamdir.
Taʼkidlanishicha, sotuvlarning:
• 79,4 foizi – birja savdolari;
• 0,2 foizi – koʻrgazma-yarmarka savdolari;
• 20,2 foizi – elektron davlat xaridlari;
• 0,2 foizi – avtoraqamlarning onlayn-auksioniga toʻgʻri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 574,2 milliard soʻmni tashkil qildi. Shuningdek, ushbu davr mobaynida onlayn auksion orqali 2 347 ta avtoraqamlar sotildi. Cotilgan davlat raqam belgilarining umumiy narxi 6 milliard soʻmni tashkil qildi.
Raqobatli savdolar natijasida bitimlarning:
3,7 foizi – birichi;
7,4 foizi – ikkinchi;
7,3 foizi – uchinchi;
10,3 foizi – toʻrtinchi;
23,7 fozi – beshinchi;
47,6 foizi – oltinchi toifa avtoraqamlarga tegishlidir.
Birja savdolari
Koʻrib chiqilayotgan davrda ochiq birja savdolari orqali jami 2 033,5 milliard soʻmlik tovar resurslari sotildi. Jumladan:
Shakar
Birjaning shakar bozorida narxlar pasayishi qayd etildi. 3-9 oktyabr kunlari birja savdolarida 10 400 tonna shakar sotuvga qoʻyildi va undan 10 215 tonnasi, yaʼni 98,2 foiz qismi sotildi. Oʻrtacha kunlik sotuv hajmlari 2 043 tonnani tashkil qildi. Koʻrib chiqilayotgan davrda shakarning kunlik oʻrtacha narxlari mahsulotning bir tonnasi uchun 11 670,2 ming soʻmdan 10 617,8 ming soʻmgacha, yaʼni 9 foizga pasaygan.
Bugʻdoy
Birjaning bugʻdoy bozorida oʻtgan haftada birja savdolarida 40 801 ming tonna bugʻdoy sotildi. Oʻrtacha kunlik sotuv hajmlari 8 160 ming tonnani tashkil qildi. Koʻrib chiqilayotgan davrda bugʻdoyning kunlik oʻrtacha narxlar mahsulotning bir tonnasi uchun 3 625,8 ming soʻmdan 3 509,3 ming soʻmgacha, yaʼni 3,2 foziga pasaydi.
Suyultirilgan gaz
Birjaning suyultirilgan gaz bozorida ham narxlar pasayishi qayd etildi. Oʻtgan haftada birja savdolariga 2 310 tonna suyultirilgan gaz qoʻyildi va ularning barchasi sotildi. Koʻrib chiqilayotgan davrda suyultirilgan gazning kunlik oʻrtacha narxlari mahsulotning bir tonnasi uchun 4 339,5 ming soʻmdan 3 960,3 ming soʻmgacha, yaʼni 8,7 foizga pasayganini taʼkidlash lozim.
