Prezidentning “Qishloq xoʻjaligi mahsulotlari yetishtirishni moliyaviy qoʻllab-quvvatlashning qoʻshimcha chora-tadbirlari toʻgʻrisida”gi qarori qabul qilindi.
Unga koʻra:
• qishloq xoʻjaligi ekinlarini yetishtirish uchun kreditlar 150 million soʻmgacha garovsiz beriladi;
• kreditlar boʻyicha foiz toʻlovlari yillik 14 foiz (shundan 3 foizi bank marjasi) miqdorida belgilanib, kreditlar 6 oygacha imtiyozli davr bilan 12 oy muddatgacha ajratiladi;
• ajratiladigan kredit mablagʻlarining 50 foizigacha boʻlgan qismi qarz oluvchi talabiga asosan naqd pulda taqdim etiladi;
• ajratiladigan kreditlar boʻyicha Bogʻdorchilik va issiqxona xoʻjaligini rivojlantirish jamgʻarmasi mablagʻlari garov taʼminoti sifatida qabul qilinadi.
Shuningdek, meva-sabzavotchilik sohasini davlat tomonidan qoʻllab-quvvatlash uchun Bogʻdorchilik va issiqxona xoʻjaligini rivojlantirish jamgʻarmasiga 12 oy muddatga, shu jumladan, 11 oylik imtiyozli davr bilan qoʻshimcha 300 milliard soʻm budjet subsidiyani yillik 10 foiz stavkada ajratiladi.
Bundan tashqari qishloq xoʻjaligi ekinlari yetishtiruvchilarga hosilni xavf-xatardan sugʻurta qilish xarajatlarining 50 foizi Qishloq xoʻjaligini davlat tomonidan qoʻllab-quvvatlash jamgʻarmasi hisobidan qoplab beriladi.
