Фарғонада тошдан қоғоз ишлаб чиқариш йўлга қўйилди, деб хабар бермоқда «Мир 24» телеканали.
Қайд этилишича, қоғоз ишлаб чиқариш учун қоғоз ва сув ишлатилмайди. Фақатгина тош ва полимерлардан фойдаланилади. Тош қоғоз оддий қоғозга қараганда мустаҳкам ва чидамли ҳамда нархи ҳам бир неча баробар пастроқ. Қоғоз ўзидан сув ўтказмайди, доғ юқмайди. Топографик хариталар, ушбу қоғозга босилган китобларни ҳатто сув остида ҳам ўқиш мумкин.
Шунингдек, ушбу қоғоздан матбуот маҳсулотлари билан бирга қадоқлаш ва фон расми тайёрланади. Корхона йилига 9 минг тонна қоғоз тайёрлаш қувватига эга.
«МДҲ мамлакатларида бундай ишлаб чиқаришни Ўзбекистондан бошқа жойда учратмайсиз. Тош қоғоз аллақачон Қозоғистон ва Россияда қизиқиш уғотган», – дейилади хабарда.
