Markaziy bank matbuot xzimatining xabar berishicha, Turkiston va HI-TECH BANK xususiy aksiyadorlik tijorat banklaridan bank faoliyatini amalga oshirish huquqini beruvchi litsenziya chaqirib olindi.
Xabarda keltirilishicha, ikkita bank ham “Banklar va bank faoliyati toʻgʻrisida”gi Qonunning 54 va 77-moddalarida belgilangan qoidabuzarliklarni sodir etgan. Xususan:
• bank aktivlari boʻyicha ehtimoliy yoʻqotishlarga qarshi yetarlicha zaxiraning mavjud emasligi;
• regulyativ kapitalining ellik foizidan ortiq miqdorda zarar koʻrganligini;
• bank xizmatlari isteʼmolchilarining huquqlari va qonuniy manfaatlari buzilganligi;
• buxgalteriya hisobining hisobotga oid maʼlumotlar buzilishiga olib keladigan va bankning haqiqiy moliyaviy ahvolini aks ettirish imkonini bermaydigan qoidabuzarliklar bilan yuritilganligi;
• bank faoliyatidagi qoʻpol qoidabuzarliklarni bartaraf etish toʻgʻrisidagi Markaziy bank koʻrsatmalarining belgilangan muddatda bajarilmaganligi;
• jiddiy qoidabuzarlik uchun Markaziy bank tomonidan jarima qoʻllanilganidan keyin huddi shunday qoidabuzarlikni takroran sodir etilganligi sababli “Oʻzbekiston Respublikasining Markaziy banki toʻgʻisida”gi Qonunning 20-moddasiga muvofiq Markaziy bank boshqaruvi ushbu qarorni qabul qildi.
Qayd etilishicha, yuqoridagi ikki bank omonatchilarining barcha mablagʻlari, birinchi navbatda, 2 oydan soʻng toʻliq qaytariladi.
