Axborot texnologiyalari va kommunikatsiyalarini rivojlantirish vaziri Sherzod Shermatov “Uztelecom”ni Ilon Maskning Starlink sunʼiy yoʻldoshi bilan solishtirdi.
Vazirning Xalqaro Press Klubda bergan intervyusida maʼlum qilishicha, internet boʻyicha infrastrukturani oldingi yillardan hozir ancha farq bor. Ilon Maskning Starlink internetidan 4-5 barobar tez va arzon boʻlgan internetni “Uztelecom” hozir istalgan xonadonga olib borib bera oladi.
Vazir bunga Samarqanddagi SHHT sammitida jurnalistlarga foydalanish uchun tashkil etilgan 1 Gbit/c boʻlgan internet tezligini misol qilib keltirdi.
“Masalan, Samarqandda SHHT tadbirida jurnalistlarning oʻzlari eʼtibor berishdi. Oldin bunday tadbir oʻtganda 20 yoki 50 Mbit/c umumiy bersak, biz uchun katta ish boʻlardi. Hozir bitta kompyuterga 1 Gbit/c berildi. Hazillashib ham aytib qoʻyishimiz mumkin. Koʻpchilik soʻraydi: Ilon Maskʻning Starlinkʻi bizga qachon keldi? ʻUztelecomʻ Starlinkʻdan 4-5 baravar tez va arzon boʻlgan internetni istalgan xonadonga olib borib berishi mumkin. Starlinkʻka oyiga 100-500 dollar toʻlash kerak, bizga arzonroq toʻlasa, olib borib beradi”, – deydi vazir.
