Беларусь президенти Александр Лукашенко 6 октабрдан бошлаб мамлакатда нархларни оширишни тақиқлашни буюрди. Бу ҳақда «Belta» хабар берди.
Лукашенко иқтисодий блок билан инфляция бўйича учрашувда 6 октябрдан бошлаб Беларусда нархларнинг ҳар қандай вазият бўлишидан қатъий назар оширмасликни буюрди.
Шунингдек, Лукашенко маълум лавозимлар учун истиснолар бўлиши мумкинлигини таъкидлади ва бундай қарорларни қабул қилиш ваколатига эга бўлган маъсул шахслар доирасини айтиб ўтди. «Агар вазир ёки вилоят ижроия қўмитаси, Минск шаҳар ижроия қўмитаси раислари томонидан қарор қабул қилинса, уларнинг рухсатисиз ҳеч қандай нарх ўсиши мумкин эмас», – деган у.
Беларус раҳбари нима учун бундай қарорга келганини шундай изоҳлади.
«Чунки бош вазир айтганидек, довдираб қолганларнинг кўтарилишидан кейин нархлар бир хил даражада кўтарилди. Натижада бугунги кунда нархлар жуда баланд. Улар шифтга тегди», – дея ўз қарорини изоҳлади.
Шу билан бирга, давлат раҳбари фуқароларга мамлакатда товар тақчиллиги йўқлиги ва бундан кейин ҳам бўлмаслигига кафолат беришини маълум қилди.
