Вазирлар Маҳкамасининг тегишли қарори билан, энди аҳоли пунктларининг номланиши ва чегаралари ўзгарганда, шу жумладан бир ҳудуддан бошқа ҳудудга ўтказилганда (турар ёки нотурар кўчмас мулк обектида реконструкция, қўшимча ва алоҳида қурилиш мавжуд бўлган ҳоллар бундан мустасно) давлат хизматлари кўрсатилганлиги учун йиғимлар ундирилмаслиги белгиланди.
Маълумот учун, бир туман ёки шаҳарнинг маълум бир қисмини иккинчи туман ёки шаҳарга қўшилиши ёки янги туман (шаҳар) шаклида ташкил этилиши, келгусида ушбу ҳудудларда яшовчи аҳолининг яшаш манзили номига ва кадастр ҳужжатларига тегишли ўзгартиришлар киритишни талаб қилади.
Ўз навбатида фуқаролар мавжуд кадастр ҳужжатларини янгисига алмаштиришда қонунчилик ҳужжатларига мувофиқ маълум бир миқдордаги тўловларни амалга оширар эди.
