«Ипак йўлида туризм 2022» Тошкент халқаро сайёҳлик ярмаркаси доирасида йирик форум бўлиб ўтади, унда етакчи маърузачилар иштирокида бир нечта секциялар тақдим этилади.
Форумда «Халқаро рақобат ва брендинг», «Маданий мерос ва санъат», «Зиёрат туризми» ва бошқалар каби секциялар ташкил қилинади. Секциялар давомида Ўзбекистон туризм саноатининг истиқболли йўналишлари тақдим этилади.
Форумда хорижий мамлакатлардан келган таниқли маърузачилар сўзга чиқади. Хусусан, Сергей Серафимович Становкин — BBC Global News тижорат хизмати раҳбари, Софи Ибботсон — «Ўзбекистон» туризм брендининг Буюк Британиядаги элчиси ва бошқалар.
Шунингдек, форум доирасида нафақат маҳаллий, балки хорижий машҳур блогерлар, инфлюенсерлар ва журналистларнинг ҳам чиқишлари кутилмоқда.
Кўргазма ва ярмаркалар туризмни ривожлантиришнинг ўзига хос кўзгуси бўлиб хизмат қилмоқда. Бундай халқаро тадбир ва форумларнинг ўтказилиши Ўзбекистон туризм саноатини халқаро даражага олиб чиқишда ўтиш босқичи бўлиб хизмат қилиши мумкин.
Иштирокчилар мана бу ҳавола орқали рўйхатдан ўтиши мумкин.
