Oʻzbekiston 2022 yilning yanvar-iyun oylarida eng koʻp Ekvadordan 62,7 ming tonna banan import qildi. Bu haqda Davlat statistika qoʻmitasi xabar bermoqda.
Maʼlumotlarga koʻra, banan importi hajmi 2021 yilning mos davri bilan solishtirilganda 34 ming tonnaga oshgan.
2022 yilning yanvar-iyun oylarida Oʻzbekiston eng koʻp banan import qilgan davlatlar:
- Ekvador — 62,7 ming tonna;
- Qozogʻiston — 426 tonna;
- Turkiya — 197 tonna;
- Hindiston — 144 tonna.
Qayd etilishicha, Oʻzbekistonda 2022 yilning iyul oyida banan narxlari iyun oyiga nisbatan yaʼni, bir oyda oʻrtacha 8,5 foizga arzonlashgan.
Banan narxlari 2022 yil boshidan buyon oʻrtacha 1,7 foizga pasaygan. Meva narxi 2021 yilning mos davri bilan solishtirilganda yaʼni, bir yilda oʻrtacha 11,5 foizga arzonlashgani kuzatilgan.
Maʼlumot uchun, Ekvador Oʻzbekiston oziq-ovqat mahsulotlari import qiladigan top-10 davlatlar qatoriga kiradi. 2022 yilning yanvar-may oylarida Ekvadordan Oʻzbekistonga 23 million tonna oziq-ovqat mahsulotlari import qilingan
