Ўзбекистондаги тадбиркорлик субъектларининг кўпчилик қисми июнь ойида келгуси 12 ойда инфляцияни 9-12 фоиз атрофида бўлишини кутмоқда. Бу ҳақда Марказий банк тақдим этаган мамлакат аҳолиси ва тадбиркорлик субъектларининг инфляцион кутилмалари шарҳида сўз боради.
Маълум қилинишича, 2022 йилнинг июнь ойи якунлари бўйича келгуси 12 ой учун нархлар ўсиши бўйича бизнес вакилларининг инфляцион кутилмалари июнь ойига нисбатан 1,6 фоизга камайган. Кутилмалар 15,7 фоизни ташкил этган бўлса, медиана қиймати 13,3 фоиз атрофида шаклланган.
динамикаси (фоизда)
Тадбиркорлар кейинги 12 ойда нархлар ошишига иш ҳақи ва нафақаларнинг ошиши (29 фоиз), ёқилғи маҳсулотлари ва транспорт хизматларининг нархлари қимматлашиши (27 фоиз) ҳамда импорт қилинадиган хомашё ва бутловчи қисмлар қимматлашиши (24 фоиз) каби омиллар таъсир этиши мумкинлигини таъкидлаган.
Ўзбекистондаги тадбиркорлик субъектларининг кўпчилик қисми июнь ойида келгуси 12 ойда инфляцияни 9-12 фоиз атрофида бўлишини кутмоқда.
Шунингдек, импорт қилинадиган хориждан хом ашё етказиб беришда узилишлар бўлишини ҳамда тижорий бино ва ижара тўловларининг ошишини кутаётган тадбиркорларнинг улуши июнь ойига нисбатан юқорилаган.
Аввалроқ Ўзбекистон аҳолиси нархлар ошишига қайси омиллар сабаб бўлишини прогноз қилгани ҳақида хабар берилганди.
Эслатиб ўтамиз, Ўзбекистонда аҳоли томонидан сезилган инфляция апрель ойида ҳам пасаювчи динамика кўрсатганди. Сўров натижаларига кўра, респондентлар томонидан сезилган инфляция пасаювчи динамика кўрсатиб, 14,6 фоизни ташкил этган бўлса, жавобларнинг медиана қиймати 11,4 фоиз атрофида шаклланган.
Маълумот учун, инфляцион кутилмалар — инфляцион кутилмаларнинг турли гуруҳлари бўйича мос жавобни белгилаган респондентлар сонининг ўша жавоблар ўртача қийматига кўпайтмалари йиғиндисини жами респондентлар сонига нисбати (ўртача тортилган кўрсаткич).
Инфляцион кутилмаларнинг медиана қиймати — келгусидаги инфляция бўйича жавоблар вариацион қаторини тенг иккига бўлувчи қиймат.
Ўзбекистонда июнь ойида инфляциянинг йиллик ўсиш сурати 12,2 фоизни ташкил этди. Ушбу ойда истеъмол бозоридаги товарлар ва хизматлар ўртача 0,9 фоизга қимматлашган. 2022 йилнинг биринчи ярим йиллигида истеъмол бозорида нархларнинг ўсиш суръати 6,5 фоизга етган.
