Осиё давлатларининг Россия ва Хитойга қарамлигини камайтириш учун АҚШ ва Халқаро энергетика агентлиги (IEA) уларни энергия ва минерал таъминот занжирларини диверсификация қилишга чақирмоқда.
IEA ижрочи директори Фотиҳ Биролнинг сўзларига кўра, акс ҳолда Хитой 2025 йилда қуёш технологиялари бозорининг 95 фоиздан ортиғини эгаллайди.
«Биз миллат сифатида нефть диктаторлари, бизнинг қадриятларимизни баҳам кўрмайдиганлар ва таъминот занжирининг стратегик жиҳатларини назорат қилишни истаганлар томонидан босим ўтказмаслигига ишонч ҳосил қилишни истаймиз», — деди АҚШ энергетика вазири Женнифер Гранҳолм Сидней энергетика форумида.
АҚШ ва IEA Ҳинд-Тинч океани минтақаси мамлакатлари Украинадаги воқеалар оқибатларидан келиб чиққан энергия инқирози фонида қазиб олинадиган ёқилғидан воз кечиши керак, деб ҳисоблайди.
Бироль Осиё давлатлари ҳам Конго Демократик Республикаси билан фойдали қазилмаларни етказиб бериш соҳасидаги ҳамкорликни қисқартириши кераклигини қўшимча қилди.
Аввалроқ АҚШ Президенти Жо Байден Ҳиндистон раҳбариятини Россиядан ёқилғи импортини кўпайтириш ва етказиб беришни диверсификация қилиш режаларидан воз кечишга чақирган эди.
АҚШнинг Осиё давлатлари ўртасидаги ҳамкорлик векторини Россиядан Америка томонига ўзгартириш таклифларига қарамай, Осиё-Тинч океани минтақасининг бир қатор давлатлари Россиянинг энергия ресурсларини сотиб олишда ва Россиядан импортни кўпайтиришда давом этмоқда.
Хусусан, май ойида Россиядан Ҳиндистонга нефть импорти ҳажми апрель ойига нисбатан қарийб уч бараварга ошиб, кунига 819 минг баррелни ташкил этди.
