Прогнозлаштириш ва макроиқтисодий тадқиқотлар институти мутахассислари томонидан 2019-2022 йилларда Ўзбекистоннинг Глобал озиқ-овқат хавфсизлиги индексидаги ўрни таҳлил қилинди.
Таҳлил натижаларига кўра, 2019-2022 йиллар бўйича умумий рейтингда Ўзбекистон ўн икки поғонага юқорилаб, ушбу даврда озиқ-овқат хавфсизлиги бўйича энг юқори ўсишга эришган 10 та давлат ичида биринчи ўринни эгаллади. Шу тариқа, 2022 йил учун Глобал озиқ-овқат хавфсизлиги индексида Ўзбекистон 113 та мамлакат орасида 73-ўринни банд қилди.
Шунингдек, Ўзбекистон «Иқтисодий фойдалана олиш имконияти» категорияси бўйича 18 поғонага, «Сифат ва хавфсизлик» натижалари бўйича 3 поғонага, «Барқарорлик ва мослашиш» категорияси бўйича 36 ўринга кўтарилди.
Келгусида Ўзбекистоннинг рейтингдаги ўрнини яхшилаш учун ички бозорда озиқ-овқат таклифини ошириш, импорт таъминотини диверсификация қилишни таъминлаш, соғлом овқатланиш бўйича миллий нормаларни ишлаб чиқиш, озиқ-овқат маҳсулотларини маркировка қилишни жорий этиш ва шу куби ишларни амалга оширишни жадаллаштириш талаб этилади.
