Ўзбекистон Марказий банки асосий ставкани 1 фоизга пасайтирди. Бу ҳақда банк матбуот хизмати хабар берди.
Айни пайтда Ўзбекистон Марказий банки бошқарувининг оралиқ йиғилиши ўтказилмоқда.
Унда асосий ставкани 1 фоиз бандга пасайтириб, йиллик 16 фоиз даражасида белгилаш тўғрисида қарор қабул қилинди.
Тафсилотлар билан батафсил яқин вақтларда эълон қилинадиган расмий пресс-релизда танишиш мумкинлиги маълум қилинди.
Эслатиб ўтамиз, 17 март кунги йиғилишда асосий ставкани 3 фоиз бандга ошириб, йиллик 17 фоиз даражасида белгилаш тўғрисида қарор қабул қилинганди.
