Atmosferaga zararli chiqindilarni kamaytirish boʻyicha chora-tadbirlarni oʻz ichiga olmagan mineral yoqilgʻidan foydalanadigan loyihalar G7 davlatlarining koʻmagiga “umid qila olmaydi”. Bu haqda “Kommersantʼ” yozmoqda.
G7 energetika siyosatini qattiqlashtirish klubning ifloslantiruvchi energiya texnologiyalaridan bosqichma-bosqich voz kechish boʻyicha kompleks dasturi doirasida amalga oshiriladi.
“Biz 2030 yilgacha mahalliy koʻmir va sanoat boʻlmagan koʻmir issiqlik energiyasini ishlab chiqarishni bosqichma-bosqich toʻxtatish majburiyatini oldik”, — deya Euronews G7 kommunikesidan iqtibos keltiradi.
Yaponiyaning Kyodo agentligi maʼlumotlariga koʻra, Kanada, Germaniya, Italiya va Buyuk Britaniya vakillari ekologik toza boʻlmagan energiya tashuvchilardan foydalanish va standartlarga javob bermaydigan yoqilgʻi loyihalarini qoʻllab-quvvatlashni toʻxtatish gʻoyasini allaqachon qoʻllab-quvvatlagan.
Taʼkidlanishicha, mamlakatlar 2035 yilga borib “nol chiqindisiz energiya sektori”ni ham yaratish niyatida.
Avvalroq Yevropa tiklanish va taraqqiyot banki Oʻzbekistonga metan emissiyasini kamaytirish dasturini ishlab chiqishga yordam berishi haqida xabar berilgandi.
