Buxoro shahrida 26 may kuni Oʻzbekiston kambagʻallikni qisqartirish xalqaro forumi boshlandi. Bu haqda forumda ishtirok etayotgan Kommers.uz muxbiri xabar berdi.
Forumning ochilish qismida dastlab Prezidentning iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari boʻyicha maslahatchisi Ravshan Gʻulomov Shavkat Mirziyoyevning tadbir ishtirokchilariga murojaatini oʻqib eshittirdi.
Shundan soʻng bosh vazir oʻrinbosari — iqtisodiyot va kambagʻallikni qisqartirish vaziri Jamshid Qoʻchqorov soʻzga chiqib, oʻz nutqini oʻqib eshittirdi.
«Yangi Oʻzbekiston Taraqqiyot strategiyasida koʻzda tutilgan maqsad, yaʼni kambagʻallikni 2026 yilga qadar 2 baravarga qisqartirishga erishishning asosiy sharti boʻlib, barqaror yuqori va inklyuziv iqtisodiy oʻsishni taʼminlash hisoblanadi», — deydi Qoʻchqorov.
Qolaversa, Buxoro viloyati hokimi Botir Zaripov oʻz ishtirokchilar va forum ishiga muvaffaqiyat tiladi.
Shuningdek, Shanxay Hamkorlik tashkiloti bosh kotibi Chjan Min va Birlashgan Millatlar Tashkiloti Taraqqiyot Dasturi (BMTTD) Bosh kotib oʻrinbosari va yordamchi maʼmuri Usha Rao-Monari video orqali soʻzlagan nutqlari eshittirildi.
Forumda 250 dan ortiq mahalliy va xorijiy ekspertlar va halqaro tashkilotlar vakillari qatnashmoqda.
