Oʻzbekistonda dollarning rasmiy kursi 14,64 soʻmga pasayib, 11 ming 130,57 soʻmni tashkil etmoqda. Bu haqda Markaziy bank matbuot xizmati xabar berdi.
Qayd etilishicha, 1 AQSH dollarining rasmiy kursi 14,64 soʻmga tushib, 11 ming 130,57 soʻmni tashkil etgan. 1 yevro kursi 11 ming 713,81 soʻmga baholanib, 39,20 soʻmga koʻtarildi.
Shuningdek, 1 rubl 175,22 soʻm etib belgilanib, 2,43 soʻmga oshdi. Oxirgi marta rublning rasmiy kursi 16 may kuni rekord daraja — 173,37 soʻmga yetgandi.
Maʼlumot uchun, ushbu almashuv kurslari 19 may, payshanba kunidan kuchga kiradi.
