Oʻzbekistonda dollarning rasmiy kursi 19,65 soʻmga pasayib, 11 ming 145,21 soʻmni tashkil etmoqda. Bu haqda Markaziy bank matbuot xizmati xabar berdi.
Qayd etilishicha, 1 AQSH dollarining rasmiy kursi 19,65 soʻmga tushib, 11 ming 145,21 soʻmni tashkil etgan. 1 yevro kursi 11 ming 674,61 soʻmga baholanib, 45,29 soʻmga koʻtarildi.
Shuningdek, 1 rubl 172,79 soʻm etib belgilanib, 0,58 soʻmga tushdi. Oxirgi marta rublning rasmiy kursi 16 may kuni rekord daraja — 173,37 soʻmga yetgandi.
Maʼlumot uchun, ushbu almashuv kurslari 18 may, chorshanba kunidan kuchga kiradi.
