АҚШНинг қоғоз ишлаб чиқарувчи Sylvamo корпорацияси Россияни тарк этади. Бу ҳақда компаниянинг 2022 йилнинг биринчи чораги учун тақдим этилган молиявий ҳисоботида сўз боради.
«Биз Россияни тарк этишга қарор қилдик. Буни ўз вақтида амалга оширамиз, Россиядаги бизнесимизни сотиш жараёнидамиз», дейилади компания хабарида.
Шунингдек, компания Россия бизнесидан чиқиш жараёнини имкон қадар тезроқ якунлаш режалаштирилаётганини қўшимча қилган.
Бозор экспертларининг таклиф қилишича, «Илим» ва Segezha Group Sylvamo’нинг активларини сотиб олиши мумкин. «Илим» АҚШнинг InternationalPaper компаниясининг ҳамкори бўлиб, Sylvamo’нинг Россиядаги активларини бошқаради.
«Илим» эса Архангельск, Иркутск, Москва ва Ленинград вилоятларида учта селлюлоза-қоғоз заводи ва иккита гофрировка заводига эга.
Март ойида Sylvamo корпорацияси Украинага ҳужум туфайли Россиядаги фаолиятини тўхтатганини эълон қилди. Sylvamo’нинг тушунтиришича, Украинадаги вазият туфайли компания асосий импорт компонентининг тақчиллигига дуч келган.
«Фонтанк»анинг ёзишича, Ленинград вилоятидаги завод аллақачон ишни тўхтатиб қўйган. Нашрга кра, компания пулпани оқартириш учун кимёвий маҳсулотлар етишмагани учун завод фаолиятини тўхтатган.
