Oʻzbekiston Markaziy banki koʻmagida 2022 yilning 25-26-may kunlari Toshkent shahrida Xalqaro PLAS-forum boʻlib oʻtadi.
Tadbirning strategik maqsadi — bank-moliya texnologiyalari sohasida xalqaro hamkorlikka qoʻshimcha turtki berish, Oʻzbekiston iqtisodiyotiga yangi, jumladan, xalqaro istiqbolli loyihalarni joriy etishdan iborat. Forum onlayn va oflayn chakana savdoni rivojlantirishga, uni yanada transformatsiya qilishga yordam beradi.
Havola orqali forum haqida videoanons formatida batafsil maʼlumot olish mumkin.
PLAS-Forum oʻzi nima? Bu:
- bank va chakana savdo oʻrtasidagi oʻzaro munosabatlarning dolzarb masalalari;
- oʻz tajribalarini baham koʻrishga tayyor boʻlgan soha mutaxassislari;
- innovatsiyalar koʻrgazmasida oʻzining noyob mahsulotlarini namoyish etuvchi yetakchi kompaniyalar uchrashuvidir.
Ikki kunlik forumning batafsil dasturi bilan havola orqali tanishish mumkin.
Reklama
