Март ойида Хитойнинг Россияга маҳсулот экспорти бошқа мамлакатларга етказиб бериш ҳажмининг ўсганига қарамай, кескин камайди. Бу Хитой компаниялари Россия билан савдо қилишда эҳтиёткор эканидан далолат беради, деб ёзади Bloomberg.
Март ойида Хитой компаниялари Россияга 3,8 миллиард долларлик маҳсулот сотди, бу ўтган йилнинг шу даврига нисбатан 7,7 фоизга кам. Бу COVID-19 эпидемияси бутун жаҳон савдосига жиддий таъсир кўрсатган 2020 йил май ойидан кейинги энг паст кўрсаткичдир.
Таҳлилчилар фикрича, Россияга нисбатан санкцияларнинг кучайтирилгани, рублнинг қадрсизланиши ва АҚШнинг мамлакатда доллардан фойдаланишни мураккаблаштирган ҳаракатлари Хитой компанияларига маҳсулот экспорт қилишига тўсқинлик қилмоқда.
Шу билан бирга, Россиядан Хитойга импорт ҳажми 2021 йилга нисбатан 26,4 фоизга ошди, эҳтимол, товар нархининг ошиши билан боғлиқ. Хитой, асосан, Россиядан нефть, газ, кўмир ва қишлоқ хўжалиги маҳсулотларини сотиб олади, электрон жиҳозлар, транспорт воситалари ва турли машиналар сотади.
Хусусан, Хитой март ойида Россиядан 387 минг тонна суюлтирилган газ олди (2021 йилнинг ушбу ойи учун бу кўрсаткич 317 минг тоннани ташкил этган). Австралия Хитойга асосий суюлтирилган етказиб берувчиси бўлиб қолмоқда.
Мавсумий қувурларга техник хизмат кўрсатиш ва Хитойда коронавирус ҳолатларининг кўпайиши туфайли май ойидаги импорт камайиши мумкин. Шу билан бирга, ёзда у барибир 3 миллиард куб метрга ўсиши мумкин.
BloombergNEF газ таҳлилчиси Луцзя Цаонинг фикрича, «Газпром» 2024 йилга келиб эажмни 38 миллиард куб метрга етказа олади.
Аввалроқ АҚШ Россияга экспортга қўйилган чекловларни эътиборсиз қолдирадиган Хитой компанияларига нисбатан қаттиқ чоралар кўришга тайёрлиги маълум қилинганди. АҚШ Савдо вазирлиги Россияга қарши санкцияларни эътиборсиз қолдирадиган Хитой компанияларига АҚШнинг аппарат ва дастурий таъминотидан фойдаланишни ман этади.
Шунингдек, Ғарб ОАВлари АҚШ миллий хавфсизлик бўйича маслаҳатчиси Жейк Салливанга таяниб, Ғарб санкциялари фонида Хитой ва бошқа давлатларнинг Москвага ёрдам беришга уринишлари эътибордан четда қолмаслиги ҳақида хабар берди.
