Oʻzbekistonda 2022 yilning oʻtgan 3 oyi davomida 5 ta elektr stansiya ishga tushirildi. Yana ikkita yangi stansiya foydalanishga topshirilishi kutilmoqda. Bu haqda Energetika vazirligi Kommers.uzʻga maʼlum qildi.
Taʼkidlanishicha, 2022 yil yakuniga borib umumiy quvvati 1474 megaVatt boʻlgan 6 ta issiqlik elektr stansiya va bitta quyosh fotoelektr stansiya ishga tushadi.
Natijada Oʻzbekiston energetika tizimining umumiy quvvati 16 ming megaVattdan oshadi.
Shuningdek, 2022 yilda Samarqand, Surxondaryo va Toshkent viloyatlarida umumiy quvvati 173 megavatt boʻlgan yettita gidroelektr stansiya (GES) quriladi va modernizatsiya qilinadi.
Maʼlumot uchun, 2017–2021 yillar davomida 3547 megaVatt yangi quvvatlar yaratildi.
