Google Docs хизмати янги ёрдамчи функцияни қўшади — бинафша рангли тўлқинли чизиқ билан фойдаланувчидан баёнот услуби ёки оҳангини ўзгартириш сўралган жумлалар белгиланади. Бу ҳақда компания блогида хабар берилди.
Маълум қилинишича, шарҳлар матнни қисқартириш, мазмунлироқ қилиш ёки номақбул сўзларни олиб ташлашга ёрдам беради.
«Янги Google Docs ёрдамчи функцияси хизматга ўрнатилади (илгари шунга ўхшаш вариант учинчи томон платформаларида мавжуд эди) ва фойдаланувчига матн сифатини яхшилаш имконини беради», дейилади хабарда.
Функция «Оҳанг ва услуб» деб аталади.
Таҳрирланиши керак бўлган жумлаларни ажратиб кўрсатадиган бинафша тўлқинсимон чизиқ фақат Business Standard, Business Plus, Enterprise Standard, Enterprise Plus ва Education Plus каби Google Workspace версиялари обуначилари учун ишлайди.
Бепул Google Workspace Essentials ҳисобида «Оҳанг ва услуб» функцияси мавжуд эмас.
Аввалроқ Google қидирув тизимига шифокор жадвали ва қабулга ёзилиш функциясини қўшгани хабар қилинганди. Шунингдек, Google реклама берувчиларнинг фойдаланувчилар маълумотларига киришини чеклаши ҳақида хабар берилди.
