Xalqaro valyuta jamgʻarmasining (XVJ) Osiyo-Tinch okeani departamenti direktori Li Chxan Yon Janubiy Koreya Markaziy banki rahbari etib tayinlandi. Bu haqda mamlakat Prezidenti devonxonasi bayonotiga tayanib MarketWatch xabar bermoqda.
Maʼlum qilinishicha, Chxan Yon bu lavozimda ikkinchi muddati mart oyida tugaydigan Li Chju Yolning oʻrnini egallaydi.
Tahlilchilar rahbariyatning oʻzgarishi Koreya bankida pul-kredit siyosati kursini oʻzgartirishini kutmayapti. Regulyator 2021 yil avgust oyidan beri stavkalarni uch marta oshirdi va yuqori inflyatsiya sharoitida keyingi oʻsishlardan darak bermoqda.
Maʼlumot oʻrnida, Li Chxan Yon Seul milliy universitetini tamomlagan va Harvard universitetida iqtisod fanlari nomzodi darajasiga ega. 2014 yilda XVJga qoʻshilishdan oldin u Osiyo taraqqiyot bankida katta iqtisodchi boʻlgan.
Avvalroq Janubiy Koreya Rossiya Markaziy banki bilan moliyaviy operatsiyalarni toʻxtatgani xabar qilingandi.
