Toshkentdan Rossiyaning Moskva va Sankt-Peterburg shaharlariga qoʻshimcha aviaqatnovlar amalga oshiriladi. Bu haqda Uzbekistan Airways matbuot xizmati xabar berdi.
Maʼlum qilinishicha, yoʻlovchilar orasida talab ortishi munosabati bilan Uzbekistan Airways tomonidan Toshkent–Moskva–Toshkent va Toshkent–Sankt-Peterburg–Toshkent yoʻnalishlari boʻyicha qoʻshimcha aviaqatnovlar yoʻlga qoʻyiladi.
Toshkent–Moskva–Toshkent yoʻnalishi boʻyicha qoʻshimcha aviaqatnovlar 9 martdan 14 martgacha, Toshkent–Sankt-Peterburg–Toshkent yoʻnalishi boʻyicha esa 2022 yilning 11, 13 va 14 mart kunlari amalga oshiriladi.
Aviachiptalarni kompaniyaning rasmiy saytida, Uzbekistan Airways Sales filialida va aviakompaniyaning agentlaridan xarid qilish mumkin.
Avvalroq Toshkentdan Rossiyaning Novosibirsk shahriga qoʻshimcha aviaqatnovlar amalga oshirilishi xabar qilingandi.
