«Яндекс» директорлар кенгашини икки вакил — Wellville асосчиси Эстер Дайсон ва Стенфорд университети қошидаги Олий бизнес мактабининг молия профессори Илья Стребулаев тарк этади. Бу ҳақда компания хабар берди.
Дайсон компанияда 2006 йилдан, Стребулаев 2018 йилдан бери мустақил ижрочи бўлмаган директор бўлиб келарди. Айни пайтда ушбу лавозимлар бўш қолмоқда.
«Яндекс»нинг асосий акциядори Аркадий Волож бўлиб, унинг оилавий фонди капиталнинг 8,6 фоизига ва компания акцияларининг 45,5 фоизига эгалик қилади.
Компаниянинг институционал инвесторлари қаторига Capital Group, Harding Loevner, Invesco ва бошқа йирик фондлар киради.
