Oʻzbekiston Markaziy banki tijorat banklari tomonidan jismoniy shaxslar bilan valyuta ayirboshlar operatsiyasi boʻyicha maʼlumot berdi.
Qayd etilishicha, 4 mart kuni jismoniy shaxslar tijorat banklaridan 86 million 561 ming 320 rubl sotib olgan.
Shuningdek, tijorat banklari jismoniy shaxslardan 7 million 354 ming 654 rubl sotib olgan.
Oʻzbekistonda rublning rasmiy kursi 7 martdan 99,10 soʻm etib belgilangan.
Maʼlumot uchun, 24 fevral kuni Rossiya Ukrainaga bostirib kirishni boshlaganidan soʻng mamlakatga qator sanksiyalar qoʻllana boshlandi. Shundan soʻng rubl qadrsizlanishi protsessi jadallashib ketdi.
