Adidas sport brendi Rossiya futbol ittifoqi (RFU) bilan hamkorlikni toʻxtatdi. Bu haqda AFP xabar berdi.
“Adidas RFU bilan hamkorlikni darhol toʻxtatmoqda”, — dedi Adidas vakili.
Qayd etilishicha, kompaniya Rossiya futbol ittifoqining rasmiy texnik hamkori sifatida ish olib borgan va 2008 yildan buyon barcha jamoalarni forma bilan taʼminlab kelmoqda. 2021 yilda shartnoma 2026 yilgacha uzaytirilgandi.
Avvalroq Sochida boʻlib oʻtishi kerak boʻlgan “Formula-1” poygasi boʻyicha jahon chempionatining Rossiya bosqichi bekor qilingani haqida xabar berilgandi. Shuningdek, Polsha rossiyalik sarmoyadorlar bilan hamkorlik qilishdan bosh tortgani xabar qilindi.
