Express Dookon xizmati 1 mart kuni soat 22:00 da yopiladi. Bu haqda loyiha asoschisi Akmal Payziyev maʼlum qildi.
Loyiha bir yil avval boshlangan. Express Dookon mahsulotlarni 3 kilometr radiusdagi omboralrdan yetkazib bergan. Xizmat asosan shahar markazida koʻrsatilgan.
Tadbirkorning qayd etishicha, fevral oyining oʻzida loyiha 190 million soʻm zarar koʻrgan. Hatto, zarar 300 millionga yetgan oylar boʻlgan.
“Bozorimiz hali bunday mahsulotlarga tayyor emasligini angladik. Ehtimol, loyihani birozdan keyin jonlantirarmiz”, — deb yozadi tadbirkor.
Qayd etilishicha, Express Dookon jamoasi bilan boshqa loyihada tajriba oʻtkaziladi.
