2022 йил 7 мартдан бошлаб йўловчилар орасида талаб ортиши муносабати билан Uzbekistan Airways АЖ душанба кунлари Тошкент–Иркутск–Тошкент йўналиши бўйича авиақатновларни йўлга қўяди. Бу ҳақда компания матбуот хизмати хабар берди.
- Тошкентдан учиш: соат 05:25 (Тошкент вақти билан)
- Иркутскка етиб бориш: соат 12:45 (Иркутск вақти билан)
- Иркутскдан учиш: соат 14:45 (Иркутск вақти билан)
- Тошкентга етиб келиш: соат 16:35 (Тошкент вақти билан)
Маълум қилинишича, Тошкент–Иркутск йўналишида авиачипта 2 миллион 66 минг 187 сўмдан, Тошкент–Иркутск–Тошкент йўналишидаги авиачипталар эса 3 миллион 689 минг 207 сўмдан бошланади. Нархлар 25 февраль ҳолатига кўра амал қилади.
Аввалроқ Uzbekistan Airways Киевга парвозларни бекор қилгани хабар қилинганди.
