2022 yil 7 martdan boshlab yoʻlovchilar orasida talab ortishi munosabati bilan Uzbekistan Airways AJ dushanba kunlari Toshkent–Irkutsk–Toshkent yoʻnalishi boʻyicha aviaqatnovlarni yoʻlga qoʻyadi. Bu haqda kompaniya matbuot xizmati xabar berdi.
- Toshkentdan uchish: soat 05:25 (Toshkent vaqti bilan)
- Irkutskka yetib borish: soat 12:45 (Irkutsk vaqti bilan)
- Irkutskdan uchish: soat 14:45 (Irkutsk vaqti bilan)
- Toshkentga yetib kelish: soat 16:35 (Toshkent vaqti bilan)
Maʼlum qilinishicha, Toshkent–Irkutsk yoʻnalishida aviachipta 2 million 66 ming 187 soʻmdan, Toshkent–Irkutsk–Toshkent yoʻnalishidagi aviachiptalar esa 3 million 689 ming 207 soʻmdan boshlanadi. Narxlar 25 fevral holatiga koʻra amal qiladi.
Avvalroq Uzbekistan Airways Kiyevga parvozlarni bekor qilgani xabar qilingandi.
