Наманган – Краснодар йўналиши бўйича HY-9825 рейси Наманган халқаро аэропортига мажбурий қайтмоқда. Бу ҳақда Uzbekistan Airways матбуот хизмати хабар берди.
Қайд этилишича, Ростов вилоятидаги ҳаво майдони йўловчи самолётларининг қатновлари учун ёпилиши муносабати билан 2022 йил 24 февраль куни Наманган–Краснодар йўналиши бўйича учган HY-9825 рейси Наманган халқаро аэропортига мажбурий қайтмоқда.
Бекор қилинган парвоз йўловчилари авиачиптани бепул бронлаш ёки тўлиқ қийматини қайтариб олиш ҳуқуқига эга.
«Uzbekistan Airways АЖ йўловчиларни жадвалдаги ҳар қандай ўзгаришлар ҳақида қўшимча равишда хабардор қилади», дейилади хабарда.
Қайд этиш керакки, айни вақтда Россия Донбассда ҳарбий ҳаракатлар олиб бормоқда. Ростов эса Донбасс билан чегарадош ҳисобланади.
