Vazirlar Mahkamasining 2022 yil 10 fevraldagi 70-sonli “Buxoro viloyatida qurilish materiallari sanoatini jadal rivojlantirishga doir qoʻshimcha chora-tadbirlar toʻgʻrisida”gi qarori qabul qilindi. Bu haqla Norma xabar berdi.
Qayd etilishicha, Buxoro viloyatida qurilish materiallari sanoatini jadal rivojlantirish, mahalliy foydali qazilmalarni qayta ishlashga investitsiyalarni jalb etish, klaster usulida raqobatbardosh mahsulotlar ishlab chiqarish va eksport qilish boʻyicha quyidagi vazifalar belgilangan:
- sement, dolomit, gips va boshqa xomashyo qazib olishni oshirish;
- marmar va granit konlarini oʻzlashtirish, zamonaviy dekorativ qoplama toshlarini ishlab chiqarish;
- grafit konini oʻrganish, uni sanoatda qazib olish va chuqur qayta ishlash, grafit elektrodlari, tez zaryadlanuvchi akkumulyatorlar uchun grafit tayoqchalar va zamonaviy elektrotexnika sanoati uchun ehtiyot qismlar ishlab chiqarishni tashkil etish.
Bundan tashqari, oxra qazib olishni tashkil etish, undan tayyor mahsulotlar, boʻyoqlar, mineral plomba moddalari va boshqalarni ishlab chiqarish ham koʻzda tutilgan.
Shuningdek, qum-shagʻal konlarini oʻzlashtirish, saralash va maydalash inshootlarini qurish va inert materiallardan (qum, shagʻal) tayyor temir-beton buyumlari, asfalt va yoʻl qurilish materiallari ishlab chiqarishni tashkil etish ham belgilangan.
Tasdiqlangan roʻyxatlar:
- kimoshdi savdosiga qoʻyilgan foydali qazilmalar, shu jumladan, Buxoro viloyatining yer qaʼri uchastkalari;
- Buxoro viloyatida geologik oʻrganish uchun taklif qilingan istiqbolli yer qaʼri uchastkalari;
- 2022-2023 yillarda Buxoro viloyatida qurilish materiallari ishlab chiqarish boʻyicha amalga oshiriladigan investisiya loyihalari;
- Buxoro viloyatida qurilish materiallari sohasida istiqbolli investitsiya loyihalari.
Hujjat maʼlumotlar milliy bazasida davlat tilida eʼlon qilingan va 2022 yil 11 fevraldan kuchga kirgan.
