Shvetsiyaning PriceRunner narxlarni taqqoslash xizmati 7 fevral kuni Google kompaniyasiga qarshi daʼvo arizasi berganini maʼlum qildi. Bu haqda Reuters xabar berdi.
Qayd etilishicha, PriceRunner korporatsiyani qidiruv natijalarini manipulyatsiya qilishda ayblab, undan 2,1 milliard yevro tovon talab qilmoqda.
Maʼlumot uchun, oʻtgan yilning noyabr oyida Yevropa umumiy yurisdiksiya sudi Googleʻning apellyatsiyasini rad etib, 2017 yilda Yevropa komissiyasining korporatsiyani 2,4 milliard yevro miqdorida jarimaga tortish haqidagi qarorini oʻz kuchida qoldirgan edi. Gap Google maxsus algoritmlardan foydalangan holda raqobatchilariga zarar keltirib, narxlarini taqqoslash boʻyicha oʻzining xizmatiga ustunlik taqdim etgani haqida borgan.
Avvalroq Google Hindiston kompaniyasiga 1 mlrd dollar sarmoya kiritishi xabar qilingandi.
