Oʻzbekistonda elektr energiyasi ishlab chiqarish hajmi 2021 yil 6,1 foizga oshdi. Bu haqda Davlat statistika qoʻmitasi matbuot xizmati xabar berdi.
Qayd etilishicha, respublikada 2021 yilning yanvar–dekabr oylarida yirik korxonalar tomonidan 70,1 milliard kilovatt/soat elektr energiyasi ishlab chiqarilgan.
Elektr energiyasi ishlab chiqarish hajmi 2020 yilga nisbatan 6,1 foizga oshgan.
Avvalroq dunyo boʻyicha 2021 yil elektr energiyasiga boʻlgan talab rekord darajada oshgani haqida xabar berilgandi. 2021 yili dunyoda elektr energiyasiga boʻlgan talab 6 foizga oshdi.
Shuningdek, Oʻzbekiston va Afgʻoniston 2022 yilda elektr energiyasi yetkazib berish boʻyicha 100 million dollarlik shartnoma imzoladi.
