14 yanvar kuni Toshkent viloyatining Qibray tumanida joylashgan, quvvati 240 megavolt boʻlgan bugʻ-gaz elektr stansiyasi Oʻzbekistonning yagona elektr tarmogʻiga quvvat uzatishni boshladi. Bu haqda Energetika vazirligi matbuot xizmati xabar berdi.
Qayd etilishicha, ushbu issiqlik elektr stansiyasi yiliga 2 milliard kilovatt-soat elektr energiyasi ishlab chiqaradi.
Qurilmalarning foydali ish koefitsiyenti yuqoriligi hisobiga, yiliga 290 million metr kub tabiiy gaz tejaladi. Tejalgan tabiiy gaz hisobiga qoʻshimcha 1 milliard kilovatt-soat elektr energiyasi ishlab chiqarish imkoni yaratiladi.
Maʼlumot uchun, umumiy qiymati 150 million dollarga teng boʻlgan mazkur loyiha Turkiyaning Aksa Enerji kompaniyasi tomonidan toʻgʻridan-toʻgʻri investitsiyalar hisobiga amalga oshirilgan.
Mazkur elektr stansiya Aksa Enerji kompaniyasi tomonidan Oʻzbekistonda ishga tushirilgan ikkinchi IES xisoblanib, birinchisi joriy yilning 11 yanvar kuni Buxoro viloyatida (quvvati 270 MVt) ishga tushirilgan edi.
