Lexus автомобиль ишлаб чиқарувчиси янги LX’нинг йўлтанламас версиясини оммага тақдим этди. Бу ҳақда «Коммерсантъ» хабар берди.
Маълум қилинишича, Lexus аксессуарлар ва тюнинг қисмлари ишлаб чиқарувчиси Jaos билан ҳамкорликда яратилган LX йўлтанламаси янги авлодининг Offroad версиясини эълон қилган.
Автомобиль олд ва орқа бамперлар ва ғилдирак камарларини ҳимоя қилиш учун қуйма углерод қисмлари, эшик тутқичининг ҳимоя қопламалари, эгзоз трубкасининг уст қисми, Toyo шинали 20 дюймли Enkei ғилдираклари билан жиҳозланган. Йўлтанламаснинг техник ўзгаришлари ҳақида хабар берилмаган.
Таъкидланишича, Jaos LX600 Offroad премьераси Токиодаги автосалон доирасида бўлиб ўтади.
Аввалроқ Lexus янги электр кроссоверининг тизерини намойиш қилгани ҳақида хабар берилганди. Шунингдек, Range Rover йўлтанламасининг флагман версияси намойиш қилинди.
