Oʻzbekistonda “Shaharlar qulayligi” indeksini joriy qilish loyihasi konsepsiyasi ishlab chiqiladi. Bu haqda 2022–2026 yillarga moʻljallangan taraqqiyot strategiyasini 2022 yilda amalga oshirish boʻyicha “yoʻl xaritasi” loyihasida soʻz boradi.
Qayd etilishicha, konsepsiyani ishlab chiqishda BMT Xabitat dasturi, xorijiy davlatlar tajribasi va tegishli imzolangan xalqaro shartnomalar va memorandumlar koʻzda tutiladi.
Shuningdek, hududlarning bosh rejalar bilan taʼminlanganligi, arxitekturaviy dizayn-kodlar mavjudligi va ularga rioya qilinishi, infratuzilma va bino-inshootlar fondi energosamaradorligi, hududlarni koʻkalamzorligi va obodonlashtirish darajalari, shaharlarni infrastruktura bilan taʼminlanganligini inobatga olgan holda obyektlar joylashtiriladi va loyihalashtiriladi.
Bundan tashqari, shaharlarni zonalarga boʻlish orqali ichki hududlarni tegishli toifalarga boʻlgan xolda baholash maqsadida 6 ta zonaga (yashash joylari, yoʻl chizmalari, koʻkalamzorlashtirish, maʼmuriy, biznes infratuzilmasi, ijtimoiy infratuzilmalar, jamoat maydonlari) boʻlinadi va ular baholanadi.
