Ўзбекистонда «Ўрта муддатли даромадлар стратегияси» ишлаб чиқилади. Бу ҳақда 2022–2026 йилларга мўлжалланган тараққиёт стратегиясини 2022 йилда амалга ошириш бўйича «йўл харитаси» лойиҳасида сўз боради.
Қайд этилишича, Халқаро молия институтларининг тавсияларини назарда тутган ҳолда «Ўрта муддатли даромадлар стратегияси» ишлаб чиқилади.
Стратегия лойиҳаси 2022 йил 1 сентябрга қадар 2030 йилгача бўлган даврда барқарор ривожланиш соҳасидаги миллий мақсад ва вазифаларни амалга ошириш бўйича мувофиқлаштирувчи кенгашга киритилади.
Шунингдек, озиқ-овқат маҳсулотлари захираси яратилади ва ички бозорда интервенция қилиш ҳажмлари кўрсаткичлари аниқ белгиланади.
Ҳудудий ҳокимликларнинг ички бозорда нархлар барқарорлигини таъминлаш борасидаги вазифалари белгиланади.
