Bentley яна бир эксклюзив спорткар тайёрламоқда, у Mulliner завод тюнинг-студияси томонидан ишлаб чиқарилади, деб хабар берди Autocar.
Нашрнинг ёзишича, модель Bentley Continental GT Speed купеси негизида ишлаб чиқарилади. Янги спорткарга эксклюзив кузов ва интерьер ҳамда кенг имкониятлар рўйхати тақдим этилади.
Қайд этилишича, жами 25 та ноёб купе ишлаб чиқарилади. Бу Bentley тарихида W12 двигатели билан жиҳозланган сўнгги модель бўлади.
Янги спорткарнинг тақдимоти 2022 йилда бўлиб ўтади. Эксклюзив автомобиль ишлаб чиқариш эса 2023 йилдан йўлга қўйилади.
Маълумот учун, Bentley Mulliner Bacalar родстерининг тақдимоти 2020 йилнинг баҳорида бўлиб ўтган.
