Марк Цукербергнинг Meta (собиқ Facebook) компанияси VR қурилмалари учун суюқ кристалли линзаларга ихтисослашган ImagineOptix номли Шимолий Каролинадаги кичик компанияни сотиб олди. Бу ҳақда The Information хабар берди.
Қайд этилишича, битим суммаси ошкор этилмаган. Харид бўйича биринчи маълумотлар 17 декабрда қайд этилган, шундан сўнг Meta ҳам битимни тасдиқлаган. Ҳозирда IT-гигант виртуал реаллик технологиялари устида фаол ишламоқда, шунингдек, тегишли гаджетларни ишлаб чиқмоқда.
ImagineOptix шиша ёки пластмассадан ясалган қалинроқ линзалар ўрнига ишлатилиши мумкин бўлган нозик, енгил суюқ кристалл компонентларни ишлаб чиқаради. Ушбу технология VR кўзойнакларининг ҳажмини камайтиришга ёрдам беради.
10 декабрь куни Meta Horizon Worlds VR платформасини кенг оммага тақдим этди. Америка Қўшма Штатлари ва Канаданинг 18 ёшга тўлган аҳолиси Quest эшитиш воситаси иловасидан бепул ва таклифномасиз фойдаланишлари мумкин. Horizon Worlds — виртуал майдонда бир вақтнинг ўзида 20 нафаргача одам билан мулоқот қилиш имконини берувчи платформа.
Аввалроқ Цукербергнинг Meta компанияси 2021 йилнинг «энг ёмони» деб топилгани хабар қилинганди.
