Land Rover компанияси янги авлод Range Rover йўлтанламаснинг флагман версиясини расман намойиш қилди. Бу ҳақда «Коммерсантъ» хабар берди.
Қайд этилишича, автомобилнинг иккита асосий — SV Serenity ва SV Intrepid турлари сотувга чиқарилади.
Range Rover SV ультрафабрик синтетик тери, керамик безаклар, ёғоч панеллар ва пардозлаш ҳамда декорацияларнинг кенг ассортименти билан тақдим этилади. Янги модель бозорга асосий ва кенгайтирилган версияларда чиқарилади.
Янги Range Rover премьераси 2021 йилнинг октябрь ойида бўлиб ўтганди.
Аввалроқ Citroen компанияси йўлтанламас My Ami Buggy электромобилини тақдим қилганди.
