Солиқ тўлашни кечиктириш ёки бўлиб-бўлиб тўлаш солиқларни тўлашни кечиктириш ёки бўлиб-бўлиб тўлаш имкониятини бериш тўғрисида қарор қабул қилингунига қадар юзага келган қарз суммасига ёки келгусида юзага келадиган қарз суммасига нисбатан берилиши мумкин.
Солиқ тўлашни кечиктириш ёки бўлиб-бўлиб тўлаш, агар Солиқ кодекснинг 99-моддасида бошқача қоида назарда тутилмаган бўлса, 1 йилдан ошмаган муддатга берилади.
Солиқ тўлаш муддатининг ўзгартирилиши солиқ тўлаш бўйича
- мавжуд мажбуриятларни бекор қилмайди,
- янги мажбуриятларни вужудга келтирмайди.
Солиқ тўлаш муддатини ўзгартириш мол-мулк гарови, кафиллик ёки банк кафолати билан таъминланиши мумкин.
Ушбу қоидалар:
- пеня ва жарима тўлашни кечиктириш ёки бўлиб-бўлиб тўлаш имконияти берилганда ҳам қўлланилади;
- солиқ агентларига нисбатан татбиқ этилмайди.
